كتعريف: هو رجوع محتويات المعدة #الحامضية باتجاه المريء #القلوي.
لنعرف أكتر عن هالمرض خلونا نعرف بالحالة الطبيعية كيف الجسم بيمنع حدوث هالشي 😎
جسمنا بيقدر يمنع حدوث القلس بواسطة 3 أمور :
1 المعصرة المريئية السفلية أو معصرة الفؤاد يلي بتصل بين المعدة و المريء وبتمنع رجوع محتويات المعدة للمريء القلوي.
2 الزاوية الحجابية يلي بتتوضع المعدة بكاملها تحتها تماماً وهالشي بشكل حاجز بين المعدة و المريء أيضاً.
3 اللعاب يلي بيعمل على تنظيف المعدة و المريء وبهالطريقة بكون وسيلة إضافية ضد القلس.
❓طيب عرفنا جسمنا كيف بكون بالحالة الطبيعية، بس شو الأمور يلي بتسبب خلل بهالوضع الطبيعي و بوصلنا لداء القلس المعدي المريئي؟
1 أولاً بحالة ارتخاء المعصرة المريئية السفلية.
2 ثانياً انفراج الزاوية الحجابية أو بحالة بالفتق الحجابي.
♂️ الفتق الحجابي بكون فتق برأس المعدة ويؤدي لخروج جزء من المعدة فوق الحجاب الحاجز (أي يصبح ضمن جوف الصدر).
⚠️ بس ضروري نعرف انو إذا كان الشخص عنده فتق حجابي ليس بالضرورة أنو يكون عنده قلس معدي مريئي (أي قد يكون لا عرضي) والعكس صحيح 👌.
❓ بعد ما عرفنا الأسباب، خلونا نلقي نظرة سريعة على #أعراض داء القلس المعدي المريئي:
1️⃣ أعراض مريئية ⬅️ الشعور بالحرقة أو الحموضة.
2️⃣ أعراض خارج مريئية ⬅️ ألم صدري.
3️⃣ ألم وانزعاج بالبلعوم والحلق ناتج عن التخريش.
4️⃣سعال مزمن خاصة ليلً وبعد الطعام.
5️⃣ تآكل الأسنان نتيجة وصول الحمض إلى الفم.
🔚 بالنهاية رح نحكي بشكل سريع عن الأدوية المستخدمة للعلاج:
🔷️ أولاً مثبطات الهستامين H2 مثل الرانيتيدين والفاموتيدين.
🔷️ مضادات الحموضة فقط لتخفيف الأعراض.
🔷️ مثبطات مضخة البروتون PPI وهي تفيد بالعلاج وشافية تماماً مثل :
Pantoprazole, Omeprazole, lansoprazole, Rapiprazole, Esomeprazole.
✅ضروري نعرف هالأدوية تؤخذ جميعها صباحاً قبل الإفطار بنصف ساعة لأن مضخة البروتون تعمل بشكل أكبر في الفترة الصباحية، وعند الحاجة لجرعة ثانية تؤخذ قبل العشاء.
حول الكاتب
