#تجارب_الأوائل 🥇🎓
#أعلام_من_كليتنا ~ #لقاء_شرف
#جامعة_دمشق || #كلية_الطب_البشري ❤️
📣 تشـرّف فريق العدسة بلقـاء الدكتور “بشار محمود الوكاع” الحـائز على المرتبة الأولى على مستوى القطر العربي السوري في الامتحان الطبي الموحد وبمعدّل 94% 🎓
📎 التعريـف والنـشـأة
🚩• عـرِّفنـا عـن نـفسـك بالبـدايـة.. مـواليـدك.. وأيـن عشـت ونـشـأت.. عـائلتـك ؟!
اسمي بشار محمود وكاع
🔸 ولدت في تل براك في محافظة الحسكة عام 1998.
🔸 والدي الأستاذ محمود وكاع ووالدتي ربّة منزل.
🚩• حـدّثنـا عـن حياتـك الـدراسيـة قبـل الجـامعـة ومـراتبـك فـيها ؟!
🔸درست الإبتدائية بمدرسة الشّهيد حسن عبد الصالح ودرست الإعدادية بمدرسة الشهيد اسماعيل طوقان والثّانوية بمدرسة الفارعة للمتفوقين.
🔸الحمدلله وبفضله كنت من الأوائل بالابتدائي والإعدادي والثّانوي وعلامة الثانوية 234.5.
📎 المرحلة الجامعية
🚩• حدثـنا عن حيـاتـك الجـامعيـة، ترتيبـك، نشاطاتـك التطوعيـة ؟!
📗بالنسبة لسنوات الجامعة كانت احلى ايام قضيتها بحياتي وتعرفت على رفقاتي يلي بفختر فيهم دوما.
📗 سافرت بعيد عن اهلي وتعلمت كثير من السفر
📗 ما كان الي ترتيب بسنوات الجامعة.
📗 ما شاركت بأي فرق تطوعية.
📎 الامتحـان الطبـي الموحـد 🚩• رأيـك بالامتـحان الوطنـي ؟!
الامتحان الوطني امتحان له رهبته ومصيري بالنسبة النا قد ما تعبت رح تلاقي… امتحان يساعد كثير خاصة الي بدو يحسن معدله
🚩• كيـف وجـدت مستـوى الأسـئلة، وهل كان الوقـت كـافياً للدراسـة؟!
📝 الأسئلة كانت جيدة إجمالا بالكتلتين
📝 اسبوع ما كان كافي ابداً للكتلة الثانية
بس اشتغلت عالكتلة الثانية بشكل جييد لان بعرف الوقت ما بيكفي للمراجعة لهيك درستها اكثر من الاولى
🚩• مـاذا عن مصـادر الدراسـة لـدى الأول على جامـعة دمـشق والقطر؟!
🖊 البواطن ذا بيست
🖊 الأطفال سكسس ونقاط فصول معينة
🖊 الجلدية ذا بيست وخلف
🖊الجراحات
~ العامة CMD
~ العظمية غدير
~ الباقي نقاط
🖋 نسائية وتوليد سكسس
🖋 عينية عموري
🖋 طبعاً مع اكواد بيتا بكل المواد
🖋فكرة الكتب للوطني فكرة جييدة جدا.. لان الوطني امتحان لا يستهان به وقد ما درس الواحد بيحس حاله مقصر.. ف الكتب تريح الطالب وما يتشتت بتعدد مصادر الدراسة
🚩• بقولـوا بالسـادسـة بيفضـى الواحـد 😴.. حقـيقـة أم خيـال ؟!
🔺حقيقة هي سنة بيفضى الواحد فيها فعلاً يعني يلي بدو يعمل أي شي بيقدر يعملو بهالسنة في وقت منيح سواء دراسة لغة أو ترميم معلومات أو ممارسة هواية
🔺 آخر كم شهر هنن أهم شي لتركيز المعلومة بلشت الدراسة الفعلية بآخر ٤ شهور تقريبا وخلال السنة كنت بس عم مرق المقابلات بس لما يكون مع الواحد أصدقاء سند بيهون كلشي عليه
🔺 حابب اتشكر رفقاتي أسامة موسى ومحمد العباسي شو ما حكيت عنن قليل كانو أهلي بغربتي 🙏💙
🚩• لنَعُـد للبدايـة، هل دخلت الطـب عن رغـبة؟!
نعم عن رغبة ،والحمد لله توفقت بدراستي بفضل الله ودعم أهلي وأصدقائي. 🙏🏻
🚩• ما تعريفـك للنـجاح؟ وماذا يعـني أنت تكـون الأول أو ضـمن الأوائل؟ ولـمن تهـدي هذا التفـوق؟
النجاح انك توصل للشي يلي بدك ياه وتكافح رغم ظروفك الصعبة. تكون رضيان عن حالك ولا تقارن نفسك بالاخرين وتكون واثق بالله انو رح يوفقك ويجازيك ع قد تعبك. 🙌🏻
🥇ان أكون الأول على مستوى القطر يعني الكثير فهذا شرف وإنجاز عظيم بفضل الله. 🎓🙏🏻
🏆أهدي التفوق لأهلي ،أساتذتي،أصدقائي ولكل محب لي…ولبلدي العزيز سوريا..🇸🇾❤
🚩• رأيـك بمـستـوى جـامعتـك ؟!
🔸#جامعة_دمشق جامعة عريقة وإن شاء الله من أفضل لأفضل
🚩• لو عـاد بك الزمـن هل كنـت ستخـتار هذا الفـرع؟
〽️ لو عاد الزمن ما كنت رح اختار غير هالفرع
🚩• مـاذا عن قـدوتك في الحيـاة وفـي الدراسـة؟
🔷قدوتي بالحياة سيدنا رسول الله محمد صلى الله عليه وسلم.. أما بالدراسة استاذي الأول هو والدي.
🚩• أي كـلمة بتحـب تضيـفها ؟!
✨ حكمتي بالحياة دائما خليك واثق بقدراتك والله ما رح يضيع تعبك… يولد الفرج من رحم المصائب
🚩• نصيـحتـك لـطـلاب السـادسـة الـجـدد ؟!
🔸 أنتم لها وقدها هالسنة بدها صبر بس مافي شي بدون تعب والأهم الثقة بالله.
🔸بتمنالهم كل التوفيق وإن شاء الله بيكونوا أفضل مننا.
🚩• كـلمـة منـك لفـريـقنـا عدسـة طالـب طـب 🥀
🔸بحب اتشكركم واشكر اهتمامكم 💙
🔮 بـدورنـا، نُـبـارِك للـدكتـور بشار تخـرُّجَـه وتفـوُّقَـه ونشـكُرُه علـى هـذا اللـقَـاء الـرائِـع ونتـمنَّـى لـه كـُلَّ التـوفيـقَ فـي مسيـرتِه العِـلميَّـة والمِـهنيّـة 🌸
•• كـان فـي الإعداد الـعـدسـة:
✏️ ديانا وليد نفّاع
•• في التفريغ والتنسيق العدســات:
✏️ جودي الحربلي
✏️ ليال بركات
✏️ ممدوح الصعوب
•• تصميم الصورة من العدسـة :
✏ محمد حبك.
حول الكاتب
