جامعة دمشق:
الدكتور مواليد 1971 .. تخرج من جامعة دمشق عام 1995، درس اختصاص الجراحة العامة حتى عام 2000 ، ومعيد في الجراحة الرضية في فرنسا من عام2002 ل 2006
وعمل رئيس شعبة الجراحة العامة بالمواساة من عام 2012 حتى الآن ..
فريق العدسة بدمشق كان مع الدكتور واجرى مقابلة معو وكان الحوار كالتالي:
-دكتور شو رأيك باختصاص الجراحة العامة؟
اختصاص ممتاز بشكل عام لكن المشكلة انو بصير تعدي من الاختصاصات الاخرى ؛ فبصير عدد العاملين بالجراحة العامة اكتر من أي اختصاص تاني
-وبالنسبة للبنت ..شو رأيك باختصاص الجراحة العامة؟
ممكن تختص بجزء من الجراحة العامة مثل جراحة الثدي او الدرق وتأبدع فيه..
-شو بتحكيلنا عن شعبة الجراحة العامة بالمواساة؟
العمليات فيها ممتازة ومجانية ومتطورة كونو مافي كتير مشافي بسوريا مجانية..
-شو رأيك بالخطة الجديدة؟
ممتازة لكن المشكلة بالاعداد والتطبيق ، برأيي كتير ممتاز يكون في تقييم للطالب بنهاية الستاج ، وكمان لازم يكون في مناوبات للطلاب بالاسعاف لانو المشكلة عنا انو الطالب بيطلع كتير قوي بالنظري وضعيف بالعملي.
-وشو رأي دكتورنا بخطة الجسر؟
انا ضد انو الطالب يطلع برا الكلية في حال حمل مادة او مادتين ، انا برأيي كل حدا وصل للكلية لازم يتخرج ، وطبعا طلابنا هنن خيرة الطلاب كونو في سنة تحضيرية.
-شو بتحكي لطلاب السنة السادسة؟
ضروري انك تعرف تقارب المريض..
. مو ضروري انك تعرف التشخيص بقدر ما انك تعرف كيفية معاملة المريض خاصة مرضى الاسعاف.
والطالب لازم يحط هدفين هدف الفحص وهدف انو يشوف اكبر عدد من المرضى
-شو بتحب تحكي للعدسة دكتورنا؟
بتمنالكن التوفيق .. وبتمنى من باقي الصفحات ما تنزل شي مانو موثق بطريقة تسيء للطب والطبيب ..
ونحنا فريق العدسة منتشكر الدكتور الرائع ع وقتو يلي عطانا ياه رغم ضيق وقتو ومنتمنالو دوام الصحة والعافية والنجاح..
اعداد :
أريج المصري / رهام السعدي
حول الكاتب
