أقرب إلى الطلاب على أن يكون استاذاً لهم 🌷
الوطني ليس وسيلة للغوص باللاورائيات او بتفاصيل لا تهم الطالب..
الأوسكي.. خطة متكاملة لأهداف متكاملة ..
كل مراحل الدراسة الجامعية حلوة.. وبعد تجاوزكم هي المرحلة رح تحسو بحنين الها 💜
كلمات أحق بأن تكتب بالذهب .. قالها لنا الدكتور أسد ابراهيم أثناء زيارتنا له في مشفى الأطفال ..
ونترككم مع التفاصيل😎
الدكتور في سطور؟؟
أسد يوسف ابراهيم.. مدرس كلية الطب بجامعة دمشق حاصل على شهادة الطب العام بجامعة دمشق عام ١٩٩٦ والدراسات العليا بمشفى الاطفال؛ دكتوراه بغدد الصم والسكري بجامعة باريس لعام ٢٠٠٥
شو كنت ناوي تختص دكتور لو ما فتت بهاد الاختصاص؟
أنا كنت التالت على دفعتي .. وكان بيطلعلي كل الاختصاصات … بس بحب الاطفال، وبحب التدريس وأي اختصاص تاني كنت كملت فيه بمجال التعليم .. بس ب”نظرة راجعة” ومن وجهة نظر اقتصادية لو اختص الواحد اختصاص جراحي كان أحسن
شو بدفعك كطبيب على تفضيل عملك بمجال التدريس عل عملك بالعيادة ؟
خلينا انقول انو هي المهنة يلي بحبها .. من لما كنت بالثانوية كنت حب تدريس الطلاب … واستمر هاد الشي للمرحلة الجامعية … فكانو اصدقائي ينظرولي نظرة “المعلم”..
التدريس هو رغبة عندي .. فدائماً بعطي المعلومات بحب أكتر للمهنة 🌷
كدكتور ومدرس؛ شو العقبات يلي عم تعاني منها بالنسبة للكلية وللطلاب؟
“صراع الاجيال”
او نظرة كل جيل للجيل يلي بعدو … منحس انو الالتزام عند الطلاب اقل .. لكن هاد الشي الو مبرراتو المنطقية .. متل انفتاح طرق التعلم وغيرها .. عل دورنا كان مصدر معلوماتنا من الكلية فقط …
وبالنسبة للكلية الأعداد بتلعب دور .. ونحنا عنا طموح لتطوير العملية التعليمية بما في ذلك طرق الامتحانات بحيث ما تكون الهاجس الذي يخاف من الطلاب .. ويضطر فيها الطالب لانقطاع عن العالم الخارجي لتحصيل العلمات .. بل تكون جزء من العملية التعليمية الناجحة ..
شو برأي الدكتور ايجابيات وسلبيات الخطة الجديدة ونظام الأوسكي؟
أنا كعضو هيئة تدريسية ماني مع تطبيقها بمرحلة السنة الرابعة او الخامسة.. وفي حال طبقناها لازم ناخد مرحلة تحضيرية ولازم يكون فريق عمل يحضر البنية التحتية..والاوسكي سلبياته اكتر من ايجابياته وهو لازم يكون خطة متكاملة لاهداف متكاملة والأفضل تطبيقه على طلاب السنة السادسة ثم تعميمه على كافة السنوات في حال نجاحه.
الدكتور أسد خارج أوقات العمل؟؟
فترة قليلة جداً ..عندي موهبة قديمة وهي الكتابة …
وانا بكره السترس لهيك ما بفرض جو “إرهابي” عل الطلاب.. وبحاول دائماً اربطلن المعلومة بالمرح لتحببن بالعلم اكتر..
ليش ما سافرت رغم ظروف البلد دكتور؟؟
ما خطر على بالي .. وتحسن الوضع اكتر ..
شو رأيك دكتور بأسئلة الوطني لهالسنة؟
الوطني فيه خلل بطريقة بناء السؤال لازم يكون امتحان موضوعي لطلاب سنة سادسة وفي اختلاف كبير بالاسئلة بين الجامعات وحتى بين الدكاترة من نفس الجامعة
كلمة لطلاب السنة السادسة المقبلين على الدورة الاستثنائية؟
إن شاء الله يتم تلافي المشاكل يلي صارت بأول دورة
كلمة الدكتور أسد للعدسة؟
شكراً لجهودكم وشكراً كتير عالمقابلة ..
وبتمنى تكونو دائماً “عدسة” لطالب الطب وتتوجهوا على طول لمشاكل الطلاب وتزيدو العلاقة بينا وبينن لانو هالشي بفيدنا النا كمان …
كل الشكر للدكتور أسد ابراهيم على هذه المقابلة الرائعة ❤️🌷
حول الكاتب
