على طول منسمع ومنشوف بالأفلام والمسلسلات وأحياناً على أرض الواقع أطفال مصابين بالتوحد Autism، بس يمكن كتار ما بيعرفو متلازمة لطيفة اللي فينا نعتبرا بتعاكس التوحد اجتماعياً… واللي هي #متلازمة_ويليام #William_Syndrome💚
هالمتلازمة بتصير نتيجة خبن خَلقي للذراع الطويل للكروموسوم 7، ضمن #جين_الإيلاستين، واللي بسبب شذوذات من ضمنها:
💟 اضطرابات التعلم.
💟 مغص الرضع، أو مشاكل التغذية.
💟 اضطراب قصور الانتباه وفرط الحركة.
💟 الانحناء الداخلي لإصبع الخنصر.
💟 قصر القامة وتأخّر الكلام.
💟 مشاكل قلبية وعائية وفرط كالسيوم الدم…
بس اللطيف بهالمتلازمة إنها بتسبب اضطراب مستويات #الأوكسيتوسين OT و #الفازوبرسين ADH بآليات ما معروفة تماماً لسا… وهالشي بيعمل عند الطفل شوية أعراض غريبة حلوة متل:
🌸 الاجتماعية المفرطة وحبّ بلا سبب للغرباء مع تواصل جسدي 😍 يعني ممكن نلاقيه بالمدرسة عم يضم ويقبّل المدرسين وزملاءه وسائق الباص😂❤️
🌸 حب الموسيقى🎶
🌸 طول النظر
🌸 ملامح الوجه القريبة من القلب واللي بتشبه الأقزام والشخصيات الكرتونية❣️متل اللي بالصورة👇🏻
وبالختام: حبّت عدستنا تضوّي على هالمتلازمة وغيرا لنشر ثقافة إنو المصابين بمتلازمة ويليام أو داون أو التوحد وغيرن من المتلازمات هنن ناس لطيفين متلنا متلن ولازم نتقبلن مو بس نتعاطف معن💜💜
عدسة طالب طب
حول الكاتب
💙